ԵՐԵՎԱՆ, 13 ՀՈՒՆՎԱՐ, ՆՈՅՅԱՆ ՏԱՊԱՆ։ Մինչեւ հունվարի 20-ը Երեւանի Կենդանաբանական այգի կբերվեն 9 տեսակ կենդանիներ եւ թռչուններ Կիեւի Կենդանաբանական այգուց։ Ինչպես հայտնեց այգու տնօրեն Սահակ Աբովյանը, մարտին եւս 8 տեսակ կենդանիներ կբերվեն Կալինինգրադի, Նիկոլաեւի եւ Չելյաբինսկի կենդանաբանական այգիներից։ Նշենք, որ համալրում կա նաեւ այգու ներսում. դեկտեմբերի 30-ին ձագ է ունեցել կովկասյան գորշ արջը։