Գազամատակարարման վատացման պայմաններում բնակչության համար խնդիրներ ծագեցին ոչ միայն տրանսպորտային կամ հենց գազօգտագործման ոլորտում։ Քանի որ մայրաքաղաքում ջեռուցումը նույնպես ապահովվում է գազամատակարարմամբ, կրկին հաճախակիացել են ջեռուցման համակարգերում վթարները։ Մասնավորապես մայրաքաղաքի մի շարք թաղամասերում ջեռուցման համակարգում շրջանառվում է սառը ջուր, որի հետեւանքով էլ տեղի են ունենում վթարները։
Խնդիրը տվյալ դեպքում միայն գազամատակարարումն ու դրա հետ կապված հարցերը չեն, քանի որ ջեռուցման համակարգը մեկօրյա գործողություն չէ եւ պետք է պատրաստ լինի ոչ միայն ջերմաստիճանային անկումների, այլեւ վառելիքային խնդիրների։ Իրականում, սակայն, փաստում ենք, որ երթուղային տաքսիների եւ սովորական գազի անհետացման հետ մեկտեղ ջեռուցվող թաղամասերը զրկվում են բնակարանները տաքացնելու հիմնական աղբյուրից։
Այսպես թե այնպես մինչեւ նորմալ գազամատակարարման վերականգնումը ջեռուցման ոլորտում մենք հավանաբար կհայտնվենք մի քանի շաբաթ առաջվա վիճակում, երբ ջեռուցման համակարգերից շատերը դարձան անօգտագործելի։
Ա. Հ.