«Հայաստան-սփյուռք» ինտերնետային էջից տեղեկացանք, որ հուլիսի 1¬3-ը Երեւանում տեղի կունենա բժշկագիտական առաջին միջազգային կոնգրեսը։ Կոնգրեսի նախագահ Արա Տեր¬Գրիգորյանը ողջույնի խոսք է հղել իր գործընկերներին, որում ընդգծվում է հայ բժշկագիտության դարավոր ավանդներին հավատարիմ մնալու եւ ժամանակակից բժշկության տեխնիկական եւ գիտական նվաճումներով առաջ գնալու անհրաժեշտությունը։
Եռօրյա քննարկումները հնարավորություն կընձեռեն համագործակցություն հաստատելու տարբեր կազմակերպությունների միջեւ, որը կնպաստի Հայաստանում բժշկության զարգացման բարձր մակարդակի ապահովմանը։ Ուրախալի է, որ «Հայաստան-սփյուռք» ինտերնետային էջում բացվել է «Ղարաբաղ» բաժինը, որի ստեղծմանը մասնակցել են Արցախի համալսարանի 10 ուսանողներ, իսկ Մ. Նահանգներից եւ Մեծ Բրիտանիայից երկու ուսանողներ աջակցում են թարգմանչական աշխատանքներին։ Էջի հիմնադիրները տեղեկացնում են, որ կամավոր սկզբունքներով աշխատողների կարիք ունեն հատկապես թարգմանչական տեքստերի համար։
Տեղեկացնենք նաեւ, որ սփյուռքի ուսուցիչների վերապատրաստման դասընթացները կընթանան օգոստոսի 1¬31-ը, Համահայկական խաղերի երրորդ մրցույթը տեղի կունենա օգոստոսի 16¬24-ը, իսկ հոկտեմբերին իր աշխատանքները կսկսի Համահայկական միջազգային կազմակերպության հիմնադիր կոնգրեսը։
Ռ. Պ.