Ռուսաստանի հարավի հայերի «Երկրամաս» թերթը տեղեկացնում է, որ մարտի 23-ին կայանալիք Նովոռոսիյսկի քաղաքապետի ընտրություններին մասնակցելու ցանկություն են հայտնել արդեն մի քանի անձինք, որոնց մեջ կան նաեւ հայեր։ Խոսքը Նովոռոսիյսկի քաղաքային դումայի պատգամավոր Ռ. Մինոսյանի եւ «Նովոռոսիյսկի ծովային առեւտրային նավահանգիստ» ԲԲԸ նավաբանվոր-մեխանիզատոր Ն. Կաբասակալյանի մասին է։ Նովոռոսիյսկի հայկական համայնքում 10 տարուց ավելի գործում է հայ մշակույթի «Լույս» ընկերությունը, իսկ վերջերս Կրասնոդարի երկրամասի օրենսդիր ժողովի ընտրություններում Նովոռոսիյսկի օկրուգներից մեկում հաղթեց մեր հայրենակից Ս. Զիրինովը։