Ֆուտբոլի աշխարհի եւ Եվրոպայի չեմպիոն Յուրի Ջորկաեֆը գերմանական «Կայզերսլաուտերնից» պահանջում է իրեն հասանելիք 300 հազար եվրո պարգեւավճարը, որը թիմը պարտք է ֆուտբոլիստին բունդեսլիգայում հանդես գալիս։ Հիշեցնենք, որ ներկայումս անգլիական «Բոլտոն» թիմում հանդես եկող Յուրի Ջորկաեֆն անցյալ տարի ժամկետից շուտ խզեց պայմանագիրը «Կայզերսլաուտերնի» հետ, քանի որ ընդհանուր լեզու չէր գտել թիմի արդեն նախկին մարզիչ Անդրեաս Բրեմեի հետ։ Սակայն դժվար թե Ջորկաեֆը կարողանա ստանալ պահանջած գումարը, քանի որ «Կայզերսլաուտերնի» նախագահ շվեյցարացի Ռենե Յագին կտրականապես հայտարարել է, որ թիմը ֆրանսիացի ֆուտբոլիստին պարտք չէ։