ՄՈՍԿՎԱ, 31 ՀՈՒՆՎԱՐ, ՆՈՅՅԱՆ ՏԱՊԱՆ։ Փետրվարի 5-ին Երեւանում կկայանա «Միջազգային գործունեություն» անվանակարգում Սվյատոսլավ Ֆյոդորովի անվան առաջին մրցանակի եւ «Լուսավորության նախանձախնդիր։ Ի հիշատակ Ա. Ս. Պուշկինի ծննդյան 200-ամյակի» մեդալի հանձնումը ՀՀ նախագահ Ռոբերտ Քոչարյանին։ Այդ պարգեւներին նա արժանացել է բարեկամության եւ փոխշահավետ համագործակցության ամրապնդման, տնտեսական, գիտատեխնիկական եւ պատմամշակութային կապերի զարգացման գործում մեծ ավանդի համար։ Ինչպես հաղորդում է ԻՏԱՌ-ՏԱՍՍ-ը, այդ մրցանակին արժանացել են Ռուսաստանի Պետական դումայի նախագահ Գենադի Սելեզնյովը, ՌԴ Պետական դումայի պատգամավոր Նիկոլայ Ռիժկովը, շախմատի աշխարհի բազմակի չեմպիոն, Խաղաղության ֆոնդերի միջազգային ասոցիացիայի նախագահ Անատոլի Կարպովը, ԽՍՀՄ ժողովրդական արտիստուհի Ալլա Պուգաչովան։ «Լուսավորության նախանձախնդիր։ Ի հիշատակ Ա. Ս. Պուշկինի ծննդյան 200-ամյակի» մեդալը 1999 թվականին հիմնել է Ռուսաստանյան բանասիրության ակադեմիան։ Նրանով պարգեւատրված են հայտնի գրողներ Սերգեյ Միխալկովը, Վիկտոր Ռոզովը, Չինգիզ Այթմատովը, Ռուսաստանի գեղարվեստից ակադեմիայի պրեզիդենտ Զուրաբ Ծերեթելին, Պետական ակադեմիական Փոքր թատրոնի գեղարվեստական ղեկավար Յուրի Սոլոմինը եւ ուրիշներ։