Տորոնտոյի (Կանադա) Զորյան ինստիտուտից էլ. փոստով ստացված հաղորդագրությունը տեղեկացնում է, որ այս տարի եւս օգոստոսի 5¬15-ն ինստիտուտում կազմակերպվելու է համալսարանական երկշաբաթյա ինտենսիվ կուրսՙ նվիրված մարդու իրավունքների եւ ցեղասպանության ուսումնասիրությանը։ Դասախոսություններ կարդալու համար հրավիրված պրոֆեսորների թվում են Մինեսոտա համալսարանից Թաներ Աքչամը, Կոնկորդիա համալսարանից Ֆրենք Չոքը, Հարվարդ համալսարանից Հելեն Ֆինը, Կալիֆոռնիա համալսարանից (Լոս Անջելես) Ռիչարդ Հովհաննիսյանը, Տորոնտո համալսարանից Ժակ Կոռնբերգը եւ Զորյան ինստիտուտի ցեղասպանության ուսումնասիրման բաժնի տնօրեն Վահագն Տատրյանը։
Մասնակցել ցանկացողները, որոնք պետք է նվազագույնը երկու տարվա համալսարանական կրթություն ունենան, պարտավոր են դիմել մինչեւ մայիսի 30-ըՙ ներկայացնելով իրենց հետաքրքրություններն ու որակավորումները։
«Ցեղասպանության ուսումնասիրությունների ապագան համեմատական մոտեցումն է, եւ սա հիանալի առիթ է այդ առումով», ասել է Զորյան ինստիտուտի տնօրենների խորհրդի նախագահ պրոֆ. Լեւոն Չորբաջյանը։
Հ. Ծ.