«ԱԶԳ» ՕՐԱԹԵՐԹ

ՀԵՏԱՁԳՎԵԼ Է ԹԵՐՐԻ ԴԵՎԻՍԻ ԱՅՑԸ ԱԴՐԲԵՋԱՆ ԵՎ ՀԱՅԱՍՏԱՆ

ԲԱՔՈՒ, 25 ՄԱՐՏ, ՆՈՅՅԱՆ ՏԱՊԱՆ։ Եվրոպայի Խորհրդի Խորհրդարանական վեհաժողովի ղարաբաղյան հակամարտության վերաբերյալ զեկուցող Թերրի Դեւիսի այցը Ադրբեջան եւ Հայաստան հետաձգվել է անորոշ ժամանակով։ Այս մասին հաղորդում է Բաքվի «525» թերթըՙ վկայակոչելով ԵԽԽՎ-ին առընթեր Միլի մեջլիսի մշտական ներկայացուցիչների պատվիրակության անդամ Սամեդ Սեիդովին։ Ըստ նրա, այցի հետաձգման պատճառը Իրաքի իրադրությունն է։ Նա նաեւ հայտնել է, որ այցի օրը կորոշվի ԵԽԽՎ գարնանային նստաշրջանի ընթացքում, որը կկայանա մարտի 31-ից ապրիլի 4-ը Ստրասբուրգում։ Ծրագրվում էր, որ Թ. Դեւիսը Ադրբեջան եւ Հայաստան կայցելի մարտի 23-28-ը. մարտի 23-26-ըՙ Ադրբեջան, հետո Հայաստան։ Ըստ այցի արդյունքների, Թ. Դեւիսը պետք է զեկուցում պատրաստի Լեռնային Ղարաբաղի վերաբերյալ, որը, ենթադրաբար, կքննարկվի ԵԽԽՎ աշնանային նստաշրջանում։