Կրասնոդարի երկրամասում ռուսերեն լույս է տեսել «Համշենահայերի ազգագրություն» գիրքը, որը մի քանի հեղինակների նյութերի ժողովածու է։ Սեւ ծովից հարավ ընկած Համշենն Արեւմտահայաստանի շրջաններից մեկն է։ «Երկրամաս» թերթը նշում է, որ գրքում զետեղված գլխավոր աշխատության հեղինակը Բարունակ Թոռլաքյանն է։ Նրա 20-ամյա աշխատանքի արգասիքն անչափ արժեքավոր գիտական եւ պատմական նյութ է։
Գիրքը լույս է տեսել «Համշեն» հայկական գիտատեղեկատվական ու մշակութային կենտրոնի նախագահ Արտավազդ Թուլումջյանի տքնաջան աշխատանքով, «Երկրամաս» թերթի տեխնիկական աջակցությամբ եւ Կուբանում բնակվող համշենահայերի ֆինանսական օժանդակությամբ։