Նախաձեռնութեամբ Մոնրէալի եգիպտահայերու ընկերակցութեան
Եգիպտահայ վարժարաններու 2003 թուականի համաշխարհային հաւաքը այս անգամ տեղի կ՚ունենայ Հայաստանի մայրաքաղաք Երեւանի մէջ, 12¬18 սեպտեմբերին։ Աւանդութիւն դարձած սոյն հաւաքոյթները, որոնք կը կրկնուին երկու տարին մէկ, կոչուած են ի մի բերելու եգիպտահայ կրթական հաստատութիւնները յաճախած աշակերտներն ու այդ դպրոցներուն մէջ պաշտօնավարած ուսուցիչները, հանդիսանալով վկայութիւնը այժմ աշխարհասփիւռ այդ հայորդիներու ստացած հայեցի կրթութեան եւ ազգային ոգու դրոշմի պահպանման։ Այս տարուան հաւաքը ունի առաւել նշանակալի կարեւորութիւն, որովհետեւ առաջին անգամն է, որ պէտք է կայանայ հայրենի հողին վրայ, հայրենաբնակ եգիպտահայերու անմիջական մասնակցութեամբ։
2003 թուականի աշնան (12¬18 սեպտեմբեր) նախատեսուած հաւաքի կազմակերպչական աշխատանքները ընթացքի մէջ են, Երեւանի կեդրոնը տեղաւորուած չորս պանդոկներ պէտք է տեղաւորեն աշխարհի ամենատարբեր կողմերէն ժամանող հիւրերըՙ ապահովելով հանգստաւէտ կեցութեան բոլոր պայմանները։ Մէկ շաբաթ տեւող հաւաքը կ՚ընդգրկէ շրջապտոյտներու եւ այլ միջոցառումներու եօթնօրեայ ծրագիր։
Մասնակցութեան սակի, ինչպէս նաեւ այլ հարցերու վերաբերեալ տեղեկութիւններ կարելի է ստանալ հետեւեալ միջոցներովՙ
www. reunion armenia. com, E-mail։ info@reunionarmenia.com, Tel։ (514) 807-3301 Fax։ (514) 336-7361