Ֆուտբոլի Հայաստանի ազգային եւ երիտասարդական հավաքականների ֆուտբոլիստները Միխայ Ստոյկիցայի ու Անդրանիկ Ադամյանի գլխավորությամբ հունիսի 1-ից սկսել են ուսումնամարզական հավաքըՙ նախապատրաստվելով Ուկրաինայի հավաքականների հետ առաջիկա ընտրական մրցախաղերին։ Ինչպես արդեն տեղեկացրել ենք, ազգային հավաքականների հանդիպումը կայանալու է Լվովի «Ուկրաինա» մարզադաշտում հունիսի 7-ին։ Խաղը սկսվելու է Երեւանի ժամանակով ժամը 21-ին եւ ցուցադրվելու է հանրային եւ «Արմենիա» հեռուստաընկերությունների ուղիղ եթերում։ Նախորդ օրը Լվովից 80 կմ հեռու գտնվող Չերվոնոգրադ քաղաքի «Շախտյոր» մարզադաշտում ուժերը կչափեն երկու երկրների երիտասարդական հավաքականները։
Ազգային հավաքականի գլխավոր մարզիչ Միխայ Ստոյկիցան հավաքի է հրավիրել 23 ֆուտբոլիստի։ Սակայն «Միկայի» ավագ Արմեն Պետիկյանը հրաժարվել է հավաքականում հանդես գալուցՙ պատճառաբանելով, որ ամեն անգամ հրավիրվում է ազգային թիմ, սակայն երբեք չի ընդգրկվում կազմում։ Եվ այսպես, բացի Պետիկյանից, առաջիկա հանդիպումներին նախապատրաստվում են հետեւյալ ֆուտբոլիստները.
Դարպասապահներՙ
Ռոման Բերեզովսկի («Դինամո» Մոսկվա), Արմեն Համբարձումյան («Մարեկ» Բուլղարիա), Ապուլա Բետե («Փյունիկ»)։
Պաշտպաններՙ
Սարգիս Հովսեփյան («Զենիթ»), Կարեն Դոխոյան («Կռիլյա սովետով»), Հարություն Վարդանյան («Յանգ բոյզ» Շվեյցարիա), Խոսե Բիլիբիո, Արթուր Մկրտչյան (երկուսն էլՙ «Փյունիկ»), Արկադի Դոխոյան («Միկա»)։
Կիսապաշտպաններՙ
Ռոմիկ Խաչատրյան («Օլիմպիակոս» Կիպրոս), Արթուր Պետրոսյան («Յանգ բոյզ» Շվեյցարիա), Կառլ Լոմբե, Էդուարդ Պարցիկյան (երկուսն էլՙ «Փյունիկ»), Ալբերտ Սարգսյան («Արսենալ» Կիեւ), Արթուր Ոսկանյան («Դիգենիս» Կիպրոս), Սերգեյ Առաքելյան, Ռոմեո Ջենեբյան («Բանանց»), Արարատ Հարությունյան («Շիրակ»)։
Հարձակվողներՙ
Արման եւ Արտավազդ Քարամյաններ («Պանահաիկի» Հունաստան), Եղիա Յավրույան («Մատավ» Հունգարիա), Արա Հակոբյան («Բանանց»)։
Բացառված չէ, որ նշված ցանկից Ջենեբյանը, Առաքելյանը, Լոմբեն ու Բետեն հանդես գան երիտասարդական հավաքականում։
Երիտասարդականի գլխավոր մարզիչ Անդրանիկ Ադամյանը հավաքի է հրավիրել հետեւյալ ֆուտբոլիստներին.
Դարպասապահՙ
Նիկոլայ Սարգսյան («Փյունիկ»)։
Պաշտպաններՙ
Վարդան Հովհաննիսյան («Միկա»), Արտավազդ Մկրտչյան («Վաղարշապատ»), Վահան Մառանջյան («Շիրակ»), Վալերի Ալեքսանյան («Փյունիկ»), Բարսեղ Կիրակոսյան («Ավտոդոր» Վլադիկավկազ), Արմեն Տատինցյան («Լեռնագործ»)։
Կիսապաշտպաններՙ
Աղվան Մկրտչյան, Լեւոն Փաչաջյան, Մխիթար Գրիգորյան (բոլորն էլՙ «Փյունիկ»), Արարատ Առաքելյան, Սամվել Մելքոնյան («Բանանց»), Դավիթ Գրիգորյան («Միկա»), Արթուր Պետրոսյան («Դինամո»), Արսեն Մելոյան («Կոտայք»), Արսեն Սարգսյան («Արարատ»)։
Հարձակվողներՙ
Գալուստ Պետրոսյան («Արարատ»), Վահե Դավթյան («Բանանց»), Էդգար Մանուչարյան («Փյունիկ»), Արկադի Հակոբյան («Չեռնոմորեց» Ռուսաստան), Գոռ Միրզախանյան, Վահե Թադեւոսյան (երկուսն էլՙ «Կոտայք»)։