«ԱԶԳ» ՕՐԱԹԵՐԹ

«ԿՈՏԱՅՔԸ» ԿՄՐՑԻ ՉԵԽԱԿԱՆ «ԲՌՆՈՅԻ» ՀԵՏ

Ֆուտբոլի Ինտերտոտոյի գավաթի մրցաշարի առաջին փուլում Աբովյանի «Կոտայքի» մրցակիցը Չեխիայի «Բռնոն» է։ Դա հայտնի դարձավ Չեխիայի առաջնության ավարտից հետո։ «Բռնոն» ընթացիկ առաջնությունում 16 թիմերի մրցավեճում գրավել է 9-րդ տեղըՙ 30 հանդիպումներում վաստակելով 39 միավոր (+10=9¬11, 35¬31)։ Առաջին հանդիպումը կկայանա մրցակցի դաշտում։ Առաջին խաղերը նախատեսված են հունիսի 21¬22-ին, պատասխան հանդիպումները կկայանան հունիսի 28¬29-ին։ Առաջին փուլի արգելքը հաղթահարած 21 ակումբներին երկրորդ փուլում կմիանան եւս 11-ը։ Երկրորդ փուլի 16 հաջողակներին հաջորդ փուլում կմիանան 8 ուժեղագույն ակումբները, որոնք հետագա հանդիպումներում կորոշեն ՈՒԵՖԱ-ի գավաթի երեք ուղեգրերի տերերին։

Ռուսաստանը հրաժարվել է Ինտերտոտոյի գավաթի մրցաշարից։ Ներկայացնում ենք նախկին խորհրդային հանրապետությունների թիմերի մրցակիցներին.

«Պաշինգ» Ավստրիա¬«Վիտ Ջորջիա» Վրաստան

«Ժալգիրիս» Լիտվա¬«Էրգրյուտե» Շվեդիա

ՕՖԿ Սերբիա¬«Տրանս» Էստոնիա

«Դինաբուրգ» Լատվիա¬«Վիլ» Շվեյցարիա

«Պոլոնիա» Լեհաստան¬«Տոբոլ» Ղազախստան

«Դաչյա Քիշնեւ» Մոլդովա¬«Գի գոտու» Ֆարերներ

«Շախտյոր» Բելառուս¬«Օմագ թաուն» Հս. Իռլանդիա