ԹԲԻԼԻՍԻ, 24 ՀՈՒՆԻՍ, ՆՈՅՅԱՆ ՏԱՊԱՆ։ Հայաստանի նախագահ Ռոբերտ Քոչարյանը հունիսի 27-ին պաշտոնական այցով կժամանի Թբիլիսի։ Ինչպես Վրաստանի ԱԳՆ-ի վկայակոչմամբ հաղորդում է «Նովոստի» գործակալությունը, այցի շրջանակում Ռ. Քոչարյանը կհանդիպի Վրաստանի նախագահ Էդուարդ Շեւարդնաձեի, ԱԳ նախարար Իրակլի Մենաղարիշվիլու եւ պետնախարար Ավթանդիլ Ջորբենաձեի հետ։ Կողմերը կքննարկեն երկկողմ տնտեսական համագործակցության խորացման եւ տարածաշրջանային անվտանգության հարցերը։ Կարծարծվի հարավկովկասյան հակամարտությունների կարգավորման թեման։ Ոչ պաշտոնական տեղեկատվությամբ, բանակցությունների մասնակիցները կքննարկեն նաեւ ջավախահայության սոցիալական վիճակի հարցերը։