Արման եւ Արտավազդ Քարամյանները, որոնք 5 ամիս հանդես եկան Հունաստանի «Պանահաիկի» թիմում, ներկայումս փորձաշրջան են անցնում Լվովի «Կարպատներում»։ Ուկրաինայի ազգային նոր առաջնությանը նախապատրաստվող «Կարպատներն» ընկերական մրցախաղ անցկացրին Ուժգորոդի «Զակարպատիե» թիմի հետ։ Ընդմիջումից անմիջապես հետո խաղադաշտ դուրս եկան Արմանն ու Արտավազդը։ Այդ պահին խաղը 1-0 հաշվով շահում էր «Կարպատները»ՙ շնորհիվ Մազինի դիպուկ հարվածի։ 86-րդ րոպեին Արման Քարամյանը կրկնապատկեց հաշիվը։