ԱՆԿԱՐԱ, 23 ՀՈՒԼԻՍ, ԱՐՄԵՆՊՐԵՍ։ Ադրբեջանցի պաշտոնյան հերքել է այն լուրերը, որոնց համաձայն նախագահ Ալիեւի առողջական վիճակը օրհասական է, եւ, որ նա շուտով կմահանա։ Թուրքիայում Ադրբեջանի դեսպանն ասել է, թե նախագահի առողջական վիճակը նորմալ է, եւ հակառակ ուղղվածության բոլոր լուրերը սուտ են։ Դրանից ավելի վաղ Ֆրանսպրես լրատվական գործակալությունը, մեջբերելով դիվանագիտական մի աղբյուրից ստացված լուրը, հայտնել է, որ Ալիեւը հազիվ ապրի երկու կամ երեք օր։