«ԱԶԳ» ՕՐԱԹԵՐԹ

ԱԴՐԲԵՋԱՆՈՒՄ ՀՐԱՊԱՐԱԿՎԵԼ Է ՆԱԽԱԳԱՀՈՒԹՅԱՆ ԹԵԿՆԱԾՈՒՆԵՐԻ ՑԱՆԿԸ

ԲԱՔՈՒ, 22 ՕԳՈՍՏՈՍ, ՆՈՅՅԱՆ ՏԱՊԱՆ։ Ադրբեջանի պաշտոնական մամուլում ուրբաթ օրը հրապարակվել է Ադրբեջանի նախագահի թեկնածուների ցանկը։ Հանրապետության Կենտրոնական ընտրական հանձնաժողովի հաստատած ցուցակում ընդգրկված է 12 մարդ.

Ադրբեջանի ներկայիս նախագահ Հեյդար Ալիեւ, առաջադրել է «Ենի Ազերբայջան» կառավարող կուսակցությունը,

Ադրբեջանի վարչապետ Իլհամ Ալիեւ, առաջադրել է նախաձեռնող խումբը Նախիջեւանից,

Իսա Գամբար, առաջադրել է «Մուսավաթ» կուսակցությունը,

Աբութալիբ Սամեդով, առաջադրել է «Դաշինք հանուն Ադրբեջանի» կուսակցությունը,

Գուդրաթ Հասանգուլիեւ, առաջադրել է «Ժողովրդական ճակատ» նախաձեռնող խումբը,

Իլյաս Իսմայլով, առաջադրել է «Ադալյաթ» կուսակցությունը,

Յունուս Ալիեւ, առաջադրել է «Միլլի Վահդատ» կուսակցությունը,

Էթիբար Մամեդով, առաջադրել է Ազգային անկախության կուսակցությունը,

Լալա-Շովքեթ Հաջիեւա, առաջադրել է «Միլլի Բիրլիք» նախաձեռնող խումբը,

Սաբիր Ռուստամխանլի, առաջադրել է «Քաղաքացիական համերաշխություն» կուսակցությունը,

Հաֆիզ Հաջիեւ, առաջադրել է «Մուասիր Մուսավաթ» կուսակցությունը,

Ալի Քերիմլի, առաջադրել է «Ադրբեջանի ժողովրդական ճակատ» կուսակցությունը։

Օգոստոսի 16-ից սկսվել է նախընտրական քարոզարշավը, որը պետք է ավարտվի հոկտեմբերի 14-ին։ Ադրբեջանի նախագահի ընտրությունները կկայանան 2003 թվականի հոկտեմբերի 15-ին։