Օգոստոսի 27-ին Հայաստան ժամանեց Գերմանիայի Դաշնային Հանրապետության պաշտպանության նախարարության բարձրաստիճան պատվիրակությունըՙ բրիգադի գեներալ Յուրգեն Բորնեմանի գլխավորությամբ։
Առաջին անգամ աշխատանքային այցով Հայաստան ժամանած գերմանական ռազմական պատվիրակությանն ընդունեցին Հայաստանի Հանրապետության պաշտպանության նախարար Սերժ Սարգսյանը եւ Հայաստանի Հանրապետության զինված ուժերի գլխավոր շտաբի պետ-պաշտպանության նախարարի առաջին տեղակալ, գեներալ-գնդապետ Միքայել Հարությունյանը։
Հանդիպումների ընթացքում քննարկվեցին հայ-գերմանական ռազմական համագործակցության զարգացման հնարավորություններն ու հեռանկարները, կարեւորվեց համագործակցության իրավապայմանագրային դաշտի ձեւավորումը։ Կարծիքներ փոխանակվեցին տարածաշրջանային եւ միջազգային ռազմաքաղաքական գործընթացների շուրջ։
ՀՀ ՊՆ լրատվության եւ քարոզչության վարչություն