ՄՈՆՏԵՎԻԴԵՈ, 1 ՍԵՊՏԵՄԲԵՐ, ՆՈՅՅԱՆ ՏԱՊԱՆ - ԱԶԱՏՈՒԹՅՈՒՆ։ Ուրուգվայի «Ռադիո-Արմենիայի» աշխատակից Դիեգո Կարամանուկյանը հայտնել է, որ մեր հայրենակից Էդվարդո Էռնեկյանը մտադրություն ունի ընդարձակել իր բիզնեսը հայրենիքումՙ Արգենտինայում։ Օդակայանային բիզնեսից բացի Էռնեկյանը որոշել է մասնակցել նաեւ ավտոճանապարհների շահագործման բավականին շահութաբեր բիզնեսին։ Շատ երկրներում ավտոմայրուղիները վճարովի են ու նրանցով կարելի է երթեւեկել որոշակի գումար մուծելուց հետո։ Էռնեկյանի ընկերությունը մասնակցելու է ազատ մայրուղիների մրցույթին։ Նրա ներկայացրած հայտը կառավարությունն արդեն ընդունել է։ Մրցույթը տեղի կունենա հոկտեմբերի 17-ին։