Երեկ բացվեց «Արմպրոդէքսպո-2003» միջազգային ցուցահանդեսը, որին մասնակցում էին Հայաստանում գործող գրեթե 45 տեղական եւ համատեղ արդյունաբերական ձեռնարկությունների արտադրանքներ, որոնք արդեն մեծ ճանաչում են ձեռք բերել ոչ միայն մեր երկրում, այլեւ արտասահմանում։ Հայկական բնամթերքների, կոնյակի, գինու, պահածոների, մսամթերքների բազմաթիվ տեսակներ արդեն ունեն կոնկրետ պահանջատերեր։
Ինչպես նշեցին ձեռնարկությունների ղեկավարները, այս ցուցահանդեսը հենց առաջին օրվանից մեծ թափ է առել, որովհետեւ կնքվել են մի քանի պայմանագրեր արտասահմանյան առեւտրական եւ սպառող կազմակերպությունների հետ։
Ցուցահանդեսի մասնակիցներին ողջունեց եւ տնտեսական հաջողություններ ցանկացավ ՀՀ վարչապետ Անդրանիկ Մարգարյանը։
Այսօր ցուցահանդես կայցելի ՀՀ նախագահ Ռոբերտ Քոչարյանը։
Ս. Գ.