Հոկտեմբերի 29-31-ը ՀՀ պաշտպանության նախարարի տեղակալ, գեներալ-լեյտենանտ Ա. Աղաբեկյանի հրավերով, պաշտոնական այցով Հայաստան կժամանի Հունաստանի ազգային պաշտպանության նախարարի տեղակալ Լազարոս Լոտիդիսի գլխավորած պատվիրակությունը։
Պատվիրակությունը հանդիպումներ կունենա ՀՀ վարչապետ Ա. Մարգարյանի, ՀՀ պաշտպանության նախարար Ս. Սարգսյանի, ՀՀ ԶՈՒ ԳՇ պետ, պաշտպանության նախարարի առաջին տեղակալ, գեներալ-գնդապետ Մ. Հարությունյանի, ՀՀ ԱԺ պաշտպանության, ներքին գործերի եւ ազգային անվտանգության հարցերի մշտական հանձնաժողովի նախագահ Մ. Շահգելդյանի, ՀՀ-ում հունական համայնքի ներկայացուցիչների հետ, կայցելի Մատենադարան, Ծիծեռնակաբերդ եւ ծաղկեպսակ կդնի 1915 թ. Հայոց ցեղասպանության զոհերի հիշատակին։
ՀՀ ՊՆ մամլո քարտուղարություն