ՍԱԿՐԱՄԵՆՏՈ, 3 ՆՈՅԵՄԲԵՐ, ՆՈՅՅԱՆ ՏԱՊԱՆ - ԱՄԵՐԻԿԱՅԻ ՁԱՅՆ։ Գլենդեյլում հրատարակվող «Գլենդեյլ նյուս պրես» օրաթերթը գրում է, թե Լոս Անջելեսի ոստիկանությունը ձերբակալել է 23-ամյա Տիգրան Արմուչյանին Լոս Անջելեսին մերձակա Ալ Քադենա քաղաքի բարձունքներում հրդեհ առաջացնելու կասկածանքով։ Փասադենայի բնակիչ Արմուչյանը ձերբակալվել է հոկտեմբերի 27-ին եւ բանտարկվել։ Ձերբակալությունից առաջ Գլենդեյլում ապրող նրա ընտանիքի անդամները ոստիկանությանը տեղեկացրել էին, թե նա անհետացել է։ Լոս Անջելեսի զբոսայգիների պահպանման հարցերով աշխատակիցները Արմուչյանին գտել են Ալ Քադենայի բարձունքներում բռնկված հրդեհի մոտ։ Ձերբակալման պահին Արմուչյանը եղել է թմրադեղերի ազդեցության տակ։