Թուրք-հայ գործարար միությունը նոյեմբերի 12-ի հաղորդագրությամբ անդրադարձել է Եվրահանձնաժողովի ամենամյա հերթական զեկուցագրին, որտեղ «Համատեղ արտաքին եւ անվտանգության քաղաքականություն» խորագրի տակ տեղ է հատկացնում հարեւանների հետ Թուրքիայի հարաբերություններին։
Ըստ հաղորդագրության, հանձնաժողովը Հայաստանի եւ Թուրքիայի միջեւ տնտեսական համագործակցության հաստատմանն ուղղված ջանքերի համար բարձր է գնահատել թուրք-հայ գործարար միության գործունեությունը։
Վերոհիշյալ միությունը դա համարում է դրական նախադրյալ եւ պահանջում, որ Թուրքիան ելնելով ԵՄ-ի «հարեւանների հետ բարիդրացիական հարաբերությունների» սկզբունքից, առանց ժամանակ կորցնելու ձեռնամուխ լինի ստանձնելու տարածաշրջանի խաղաղությանն ու կայունությանը նպաստելու այն դերը, ինչ Անդրկովկասում ակնկալվում է նրանից։
Հ. Չ.