Կիպրոսի Մելգոնյան կրթական հաստատության տարբեր տարիների շրջանավարտներիՙ Նիկոսիայի, Լոս Անջելեսի, Բեյրութի, Լոնդոնի, Աթենքի, Արաբական Միացյալ Էմիրությունների, Ստամբուլի, Տորոնտոյի եւ Մոնրեալի սանուց միություններն ու ՀԲԸՄիության մի շարք շրջանակներ նոյեմբերի 5-ին հանդես են եկել միացյալ հայտարարությամբ, Հայկական բարեգործական ընդհանուր միության Կենտրոնական վարչական ժողովին կոչ անելով մեկընդմիշտ հրաժարվել 77 տարվա պատմություն ունեցող կրթօջախը փակելու եւ տարածքը վաճառելու ծրագրից։
Նախանձախնդիր կրթօջախի առաքելության շարունակականությանը եւ, միաժամանակ, գիտակցելով նրա դիմագրաված նյութական դժվարությունները, կոչի հեղինակները պատրաստակամություն են հայտնում նյութապես օգնելու Մելգոնյանի տարեկան բյուջեի ճեղքվածքը փակելու գործին։ Կոչը, որին կցված են դպրոցի փակման եւ տարածքի վաճառքի ծրագրի դեմ առարկությունները, անգլերենից թարգմանելով կհրատարակվի մեր թերթի առաջիկա համարներից մեկում։ Մինչ այդՙ մեր ներկա համարի 4-րդ էջում կարդացեք կիպրական մամուլից արտատպումը։