ՖԻՖԱ-ն հրապարակել է ֆուտբոլի ազգային հավաքականների վարկանիշային հերթական ցուցակը նոյեմբերի 19-ի դրությամբ։ Աշխարհի 204 հավաքականների մեջ Հայաստանի ընտրանին 112-րդն է։ Նրա հաշվին գրանցված է 411 միավոր։ Նախորդ ամսվա համեմատ ՀՀ հավաքականը 3 հորիզոնականով նահանջել է։ Ինչ վերաբերում է ուժեղագույններին, ապա առաջին քառյակը մնացել է անփոփոխ։ Ընդ որում, ֆրանսիացիներն աստիճանաբար կրճատում են միավորների տարբերությունը բրազիլացիներից։ 3 հորիզոնականով առաջընթաց է ապրել Մեքսիկայի հավաքականը, որը եզրափակում է լավագույն հնգյակը։ Նախորդ ամսվա համեմատ լավագույն տասնյակում տեղ է գրավել Չեխիայի ընտրանին։
Ահա դասակարգման ցուցակի 20 լավագույն հավաքականների ցուցանիշները.
| 1. Բրազիլիա | 852 |
| 2. Ֆրանսիա | 826 |
| 3. Իսպանիա | 785 |
| 4. Արգենտինա | 750 |
| 5. Մեքսիկա | 742 |
| 6. Հոլանդիա | 740 |
| 7. Թուրքիա | 739 |
| 8. Անգլիա | 738 |
| 9. Գերմանիա | 736 |
| 10. Չեխիա | 735 |
| 11. Իտալիա | 733 |
| 12. ԱՄՆ | 732 |
| 13. Դանիա | 714 |
| 14. Կամերուն | 712 |
| 15. Իռլանդիա | 706 |
| 16. Բելգիա | 696 |
| 17. Շվեդիա | 681 |
| 18. Պորտուգալիա | 680 |
| 19. Կոստա Ռիկա | 679 |
| 20. Խորվաթիա | 662 |