Ինչպես տեղեկացնում է արտակարգ իրավիճակների վարչության լրատվական կենտրոնը, նոյեմբերի 26-ին, ժամը 14.18-ին Արագածոտնի մարզի Ուջան գյուղի մոտՙ Երեւան-Գյումրի ճանապարհի 31 կմ-ում տեղի է ունեցել ավտովթար։ Իրար են բախվել «ՎԱԶ 21093» եւ «2106» մակնիշի ավտոմեքենաները։ 2 մեքենաների վարորդներըՙ Արթիկ քաղաքի Տոնականյան 34/2 շենքի բնակիչ, 1954 թ. ծնված Կազբեկ Նահապետյանը եւ Երեւանի Ավանեսով 14 տան բնակիչ, 1974 թ. ծնված Արամ Սարգսյանը, ինչպես նաեւ նրա կինըՙ 1979 թ. ծնված Ասյա Նալբանդյանը, տեղում մահացել են։ «ՎԱԶ 2106» մակնիշի մեքենայի ուղեւորներՙ 1954 թ. ծնված Վրեժ Ինջալուրյանը, 1981 թ. ծնված Գայանե Ստեփանյանը եւ Եկատերինա Նալբանդյանը ծանր մարմնական վնասվածքներով տեղափոխվել են Գյումրու եւ Աշտարակի հիվանդանոցներ։ Բժիշկների հավաստմամբ, նրանց վիճակը ծանր է։
Լրաքաղը ՄԱՐԻԵՏԱ ՄԱԿԱՐՅԱՆԻ