Ինչպես տեղեկացանք ԱՄՆ գյուղդեպարտամենտի մարկետինգի աջակցության ծրագրի (USDA MAP) գրասենյակից, Հայաստանից կալիֆոռնիական կարմիր որդեր են արտահանվել Վրաստան։ Հայաստանում դեռեւս 1994 թ.-ին կալիֆոռնիական որդերի բազմացման տարածքներ էին ստեղծվել Կոտայքի մարզի Ձորաղբյուր գյուղում եւ Լոռու մարզի Ստեփանավան քաղաքում։ Այդ որդերի շնորհիվ ստացվում է բարձր որակի կենսահումուս։ Այս տարիների ընթացքում ավելի քան 300 գյուղացիական տնտեսություններ կալիֆոռնիական որդեր են բուծել, որը հնարավոր է դարձել շնորհիվ «Ագրոգիտասփյուռ» կազմակերպության մասնագետ, պրոֆեսոր Վաչիկ Ավագյանի մշակած հատուկ տեխնոլոգիայի։