Նոյեմբերի 29-ին Մայր աթոռ Սբ. Էջմիածնում տեղի ունեցավ մեկօրյա հավաք-խորհրդակցություն «Եկեղեցու դերը աղքատության հաղթահարման գործընթացում» թեմայով։ Հավաքի կազմակերպիչն էր Եկեղեցիների Համաշխարհային խորհրդի հայաստանյան Կլոր սեղանը։
Հավաքի մասնակիցներին հանուն Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի ողջունեց Մայր աթոռի դիվանապետ Տ. Արշակ վրդ. Խաչատրյանը։
Հայաստանում աղքատության հաղթահարման խնդիրների եւ այս հարցում եկեղեցու ունեցած դերի մասին զեկույցներով հանդես եկան ԵՀԽ Հայաստանյան Կլոր սեղանի խորհրդի անդամ Տ. Փառեն եպս. Ավետիքյանը, Կաթոլիկ օգնության ծառայության Կովկասի տարածաշրջանի ներկայացուցիչ Ռիչարդ Հոֆմանը, «Հայաստանյան էկումենիկ եկեղեցական փոխատվական ֆոնդ» փոխատվական հիմնադրամի տնօրեն-կառավարիչ Տիգրան Հովհաննիսյանը, այս խնդիրներով զբաղվող պետական այրեր եւ հասարակական կազմակերպությունների ներկայացուցիչներ։