Մայր աթոռ Սուրբ Էջմիածնից խոր ցավով տեղեկացնում ենք, որ դեկտեմբերի 2-ին, երեկոյան ժամը 8-ին, Մ. Նահանգներում անակնկալ, սրտի կաթվածից վախճանվել է Գերաշ. Տ. Մեսրոպ արք. Աշճյանը։
Հանգուցյալ սրբազանը, լինելով Մեծի Տանն Կիլիկիո կաթողիկոսության միաբան, վերջին տարիներին բնակություն էր հաստատել Մայր աթոռ Սուրբ Էջմիածնում եւ իր ծառայությունն էր բերում Ամենայն հայոց կաթողիկոսությանը եւ հայրենիքին։
Մայր աթոռում մշտապես բարձր է գնահատվել Սրբազան հոր հոգեւոր, մշակութային, հասարակական գործունեությունը, Հայաստանում քրիստոնեությունը իբրեւ պետական կրոն հռչակման 1700-ամյակի տոնակատարությունների կազմակերպման գործում նրա մեծագույն ավանդը, ինչպես նաեւ հայագիտական եւ գրական բազմավաստակ ծառայությունը։
Սրբազան հոր հուղարկավորությունն իր կամքի համաձայն կատարվելու է Անթիլիասում։
ՏԵՂԵԿԱՏՎԱԿԱՆ ՀԱՄԱԿԱՐԳ ՄԱՅՐ ԱԹՈՌԻ