Այսօր Տավուշի մարզի նախկին Նոյեմբերյանի շրջանի Ոսկեհատ գյուղում բացվելու է Ս. Գայանե եկեղեցին, ձեռամբ Ամենայն հայոց հայրապետ Գարեգին Երկրորդ կաթողիկոսի եւ ներկայությամբ եկեղեցու բարերար, մոսկվացի ճանաչված գործարար, «Ուրարտու մոտորս» կոնցեռնի նախագահ Արթուր Բաղրյանի։ Եկեղեցու օրհնության եւ բացման արարողություններին կմասնակցի Նոր Նախիջեւանի եւ Ռուսաստանի հայոց թեմի առաջնորդ Եզրաս եպս. Ներսիսյանը։ Սա Բաղրյանի կառուցած երկրորդ եկեղեցին է։ Նա առաջինն է Մոսկվայի հայ գործարարներից, որը սեփական միջոցներով գողտրիկ մի մատուռ է բարձրացրել Ռուսաստանի մայրաքաղաքում։