ԳԼԵՆԴԷՅԼ, ԿԱԼԻՖՈՌՆԻԱ։ Միացեալ հայկական ֆոնդի 126-րդ թռիչքը Երեւան հասաւ դեկտեմբեր 13-ին, փոխադրելով 2,2 միլիոն դոլար արժողութեամբ մարդասիրական օգնութիւն։
Այս թռիչքով, Միացեալ հայկական ֆոնդն իր կողմէ տրամադրեց 1,8 միլիոն դոլար արժողութեամբ դեղորայք ու բժշկական պիտոյքներ, որոնց մեծամասնութիւնը նուիրած էին Կաթողիկէ բժշկական առաքելութեան վարչութիւնըՙ 1,4 միլիոն դոլար արժողութեամբ, Եղբայր եղբօր հիմնարկըՙ 197,000 դոլար, Integra Life Sciences ընկերութիւնըՙ 126,000 դոլար եւ AmeriCares հիմնարկըՙ 51,000 դոլար։
Հետեւեալ կազմակերպութիւնները եւս ապրանքները նուիրելով մասնակցեցան այս թռիչքին-Նոյեան տապան գեղարուեստից ընկերութիւնըՙ 50,000 դոլար արժողութեամբ, Ամերիկայի հայ աւետարանչական ընկերակցութիւնըՙ 36,000, Մեծագոյն Ուաշինկթընի ամերիկահայ առողջապահական ընկերակցութիւնըՙ 32,000, Նիւ Ջերզիէն Թամըս Ճ. Սամուէրեանՙ 32,000, Ֆրեզնոյի մէջ Կալիֆոռնիոյ նահանգային համալսարանի հայագիտական բաժանմունքըՙ 29,000 եւ Հայ առողջապահական միութիւնըՙ 27,000։
Ապրանքներու նուիրատուութեամբ իրենց մասնակցութիւնը բերին նաեւ Vereni Armeniennilte Direkt կազմակերպութիւնըՙ 20,000 դոլար արժողութեամբ, Հայաստանի ակնաբուժական ծրագիրըՙ 19,000, Կալիֆոռնիոյ հայ բժիշկներու միութիւնըՙ 17,000, Հայկական բարեգործական ընդհանուր միութիւնըՙ 16,000 եւ Նորք-Մարաշ բժշկական կեդրոնըՙ 10,000։
1989-էն ի վեր, Միացեալ հայկական ֆոնդը 126 թռիչքներով եւ 980 ծովային արկղներով 372 միլիոն դոլար արժողութեամբ մարդասիրական նպաստ ուղարկած է Հայաստան։
Միացեալ հայկական ֆոնդը համատեղ աշխատանքն է Ամերիկայի հայկական համագումարին, Հայկական բարեգործական ընդհանուր միութեան, Ամերիկայի հայ աւետարանչական ընկերակցութեան, Հայ օգնութեան միութեան, Հայաստանեայց եկեղեցւոյ Ամերիկայի առաջնորդարանին, Հայաստանեայց առաքելական եկեղեցւոյ Ամերիկայի առաջնորդարանին եւ Լինսի հիմնարկին։
Միացեալ հայկական ֆոնդ