Խորհրդարանը երեկ քննարկեց բենզինի եւ դիզելային վառելիքի համար հաստատագրված վճարների օրենքի նախագիծը։ Բենզինի համար հաստատագրված վճարն, ըստ օրենքի, կլինի 224 դոլարՙ 1 տոննայի համար։
Ըստ ֆինանսավարկային հանձնաժողովի նախագահ Գագիկ Մինասյանի, այս օրենսդրական նախաձեռնությամբ փորձ է արվում պարզեցնել հարկման մեխանիզմներըՙ թույլ չտալով թաքցնել շահույթը։ Ըստ Մինասյանի, հաստատագրված վճարը տարածվում է աղբյուրից սպառող։ Մանրածախ սպառումը եւս իրականացվում է հաստատագրված վճարումների ձեւով։
Այս կերպ ակնկալիք կա, որ շուկայական տնտեսությունն իր դրական դրսեւորումներն ավելի նկատելի կդարձնի, եթե վերացվեն օրենսդրական բացերը։