ԵՐԵՎԱՆ, 19 ԴԵԿՏԵՄԲԵՐ, ՆՈՅՅԱՆ ՏԱՊԱՆ։ Հայկական ատոմակայանում 2004-2005 թթ.-ին նախատեսվում է իրականացնել մոտ 4 մլն եվրոյի անվտանգության միջոցառումներ, այդ թվում կարդիականացվեն եղած համակարգերը, ինչպես նաեւ կներդրվեն նորերը։ Ինչպես դեկտեմբերի 19-ին լրագրողներին հայտնեց ՀԱԷԿ-ի տնօրեն Գագիկ Մարկոսյանը, այդ աշխատանքները ֆինանսավորվելու են Եվրամիության ՏԱՍԻՍ ծրագրի կողմից։
Գ. Մարկոսյանը տեղեկացրեց նաեւ, որ 1996 թ.-ից մինչ օրս կայանի անվտանգության մակարդակի բարձրացման ուղղությամբ օգնության կարգով 35 մլն դոլար տրամադրել է ԱՄՆ կառավարությունը, իսկ 12 մլն դոլար ներդրել է ՏԱՍԻՍ-ը։ Ներկայումս էլ ընթանում է ՏԱՍԻՍԻ տրամադրած 10 մլն եվրոյի ծրագրի իրականացումը։ Բացի այդ, ըստ ՀԱԷԿ-ի տնօրենի, ֆինանսա-տեխնիկական օժանդակություն են ցուցաբերել նաեւ Իտալիայի եւ Անգլիայի կառավարությունները։