Արարատ քահանա Հովսեփյանը
Ն.Ս.Օ.Տ.Տ. Գարեգին Բ Ամենայն հայոց կաթողիկոսի հունվարի 9-ի հայրապետական տնօրինությամբ կարգալույծ է արվել Իրաքի թեմի հոգեւոր սպասավոր Արարատ քհն. Հովսեփյանըՙ հոգեւորականին անվայել վարքի եւ կեցվածքի համար։ Այս որոշման համար հիմք են ծառայել Նորին սրբությանն ուղղված Իրաքի թեմի հայոց առաջնորդ Ավագ արք. Ասատուրյանի եւ Իրաքի Ազգային կենտրոնական վարչության դիմումները։
Կարգալույծ արված հոգեւորականը դասվում է աշխարհականների շարքը եւ այսուհետեւ կկոչվի ավազանի անունովՙ Նորայր Հովսեփյան։