Հոբելյանաշատ 2003-ին հաջորդած տարին ոչ պակաս հոբելյանական է լինելու։ Արդեն իսկ գրական-մշակութային օջախներն սկսել են գրականությունում իր մշտական տեղն ապահոված Պարույր Սեւակի ծննդյան 80-ամյակը յուրովի նշելու միջոցառումները, որոնցից մեկն էլ տեղի ունեցավ հունվարի 26-ինՙ բանաստեղծի ծննդյան օրը, Ազգային գրադարանի «Վերնատուն» սրահում։ Սեւակի գործերի հայերեն եւ ռուսերեն հրատարակությունների ցուցադրումն ուղեկցվում էր բանաստեղծի գործերի ընթերցմամբ եւ ժամանակակիցների հուշերի ներկայացմամբ։ Ազգային գրադարանի տնօրեն Դավիթ Սարգսյանի հավաստմամբ, նշված միջոցառումը գրադարանի կողմից ողջ տարվա ընթացքում իրականացվելիք միջոցառումներից առաջինն է ու սկիզբը։
Ն. Պ.