Հակառակ սառնամանիքներին, Նյու Յորքի Սբ. Վարդան տաճարի Ավագների խումբը ջերմ մթնոլորտի բոլոր նախադրյալներն ապահովող միջոցառումների մի հետաքրքրական շարք է ծրագրել անցկացնել, գրում է հայտնի լրագրող Ֆլորենս Ավագյանը ԱՄՆ-ից։ Հունվարի 22-ից սկսած ամեն հինգշաբթի խմբի ակտիվիստները կազմակերպելու են դասախոսություններ, երաժշտական հանդիպումներ, ֆիլմերի ցուցադրումներ եւ զբոսարշավներ։
Անցյալ տարվա աշնանային միջոցառումներից հիշատակության արժանի են Միրիամ Աթթարյանի եւ Ֆլորենս Ավագյանի դասախոսությունները, երգչուհի Մարո Փարթամյանի եւ դաշնակահարներ Աննա Մինթանճյանի ու Ժանեթ Չիրիքճյանի ելույթները, ինչպես նաեւ այցելությունները Հարթֆորդի Սբ. Գեւորգ հայկական եկեղեցին եւ, Ծննդյան տոների առթիվ, «Ռեդիս Սիթի Մյուզիք Հոլ», որտեղ ելույթ է ունեցել հայտնի «Ռոքեթս» խումբը։
Հ. Ծ.