Երեւանի բժշկական համալսարանին
Հենվելով «Աթենզ նյուզ էյջնսի» լրատու գործակալության հաղորդագրության վրա, «Արմինյն միրոր սփեքթեյթր» շաբաթաթերթի հունվարի 24-ի համարը տեղեկացնում է, որ Աթենքի «Ալեխանդրոս Օնասիս հասարակական օգնության հաստատության» հավաստիացմամբ, «Օնասիս սրտի կենտրոնն» իր օգտագործած սարքավորումների մի մասը նվիրելու է Երեւանի բժշկական համալսարանին։ Սարքավորումներն օգտագործվելու են համալսարանումՙ հիմնելու մի կլինիկա, որը կրելու է Ալեխանդրոս Օնասիսի անունը։ Կլինիկայի բացման արարողությունը, որին ներկա է լինելու նաեւ ՀՀ-ում Հունաստանի դեսպանը, տեղի է ունենալու մարտին։
Հ. Ծ.