Լոս Անջելեսի Համախարբերդյան միությունը գործում է արդեն 10 տարի։ Այդ միության անդամ Կարապետ Կարապետյանը իր մերձավորների հանգանակությամբ, եւ միության միջոցներով (մոտ 3000 դոլար գումար) ցանկապատել է 1915 թ. Եղեռնի զոհերի հիշատակին Նոր Խարբերդում 1965 թ. կառուցված հուշահամալիրը։ Ավանի բնակիչները հողագործության հետ զբաղվում են նաեւ անասնապահությամբ, եւ շատ հաճախ հուշահամալիրը վերածվում էր «արոտավայրի»։
Բարեկարգվել է նաեւ շրջակա ողջ տարածքը։ Այս մասին մեզ տեղեկացրեց «Խարբերդ» հասարակական կազմակերպության նախագահ Անդրանիկ Ստեփանյանը։
Կ. Դ.