Կիպրոսյան մրցաշարում Հայաստանի հավաքականի ավագ Սարգիս Հովսեփյանը Մոսկվայի «Տորպեդո-Մետալուրգի» ղեկավարության կողմից հանվել է տրանսֆերի։ Սարգիսը ստիպված կլինի նոր թիմ որոնել։ Այժմ «Տորպեդո-Մետալուրգն» ուսումնամարզական հավաք է անցկացնում Չեխիայում։ Օդեսայի «Չեռնոմորեցի» հետ խաղում գլխի վնասվածք է ստացել ՀՀ հավաքականի հարձակվող Անդրեյ Մովսիսյանը։ Նշենք, որ առայժմ նոր թիմի որոնումների մեջ են նաեւ ազգային հավաքականի ֆուտբոլիստներ Արման եւ Արտավազդ Քարամյանները, որոնք վերջերս խզել են պայմանագիրը Կիեւի «Արսենալի» հետ։ Նրանցով հետաքրքրվում են ուկրաինական «Կարպատներ» եւ «Օբոլոն» թիմերը, ինչպես նաեւ Կիպրոսի «Անորտոսիսը»։