«Ավստրիական ավիաուղիների» երեւանյան գրասենյակից մեր ստացած մամլո հաղորդագրությունը տեղեկացնում է, որ առաջիկա ապրիլի 5-ից սկսյալ Երեւան-Վիեննա եւ հակառակ ուղղությամբ չվերթերի թիվն ավելանալու է եւս մեկովՙ դառնալով շաբաթական 4 թռիչք։ Ըստ հաղորդագրության, այդ հավելման պատճառը շուկայում ստեղծված պահանջն է։ Այսպիսով, Երեւանից Վիեննա ուղղությամբ «Ավստրիական ավիաուղիների» ամառային չվացուցակը կընդգրկի երկուշաբթի, երեքշաբթի, չորեքշաբթի եւ ուրբաթ օրերը, իսկ Վիեննայից Երեւանՙ երկուշաբթի, երեքշաբթի, հինգշաբթի եւ կիրակի օրերը, մեկնումը Երեւանիցՙ ժ. 05։40-ին, Վիեննայիցՙ ժ. 22։00-ին, իսկ ժամանումը Երեւանՙ ժ. 04։45-ին, իսկ Վիեննաՙ ժ. 08։20-ին։ Բոլոր թռիչքներն իրականացվում են «Էրբաս» A 320 տիպի ինքնաթիռներով։