Ապրիլի կեսերից հետո Երեւան է ժամանելու Գերմանիայի արտգործնախարար Յոշկա Ֆիշերը։ Այս մասին «Ազգը» տեղեկացավ դիվանագիտական վստահելի աղբյուրներից։ Նախատեսված են Գերմանիայի արտգործնախարարի հանդիպումները Հայաստանի նախագահ Ռոբերտ Քոչարյանի, արտգործնախարար Վարդան Օսկանյանի, բարձրաստիճան այլ պաշտոնյաների հետ։ Յոշկա Ֆիշերը ոչ միայն Գերմանիայի արտգործնախարարն է, այլեւՙ համաշխարհային դիվանագիտության կարեւորագույն եւ ազդեցիկ դեմքերից մեկը։