«ԱԶԳ» ՕՐԱԹԵՐԹ

ՄԵԿՆԱՐԿՈՒՄ Է ԱՌԱՋԻՆ ԽՄԲԻ ԱՌԱՋՆՈՒԹՅՈՒՆԸ

Ապրիլի 23-ին կտրվի ֆուտբոլի Հայաստանի առաջին խմբի առաջնության մեկնարկը։ Երկու շրջանով անցկացվելիք մրցաշարին կմասնակցեն 16 թիմեր։ Սակայն նրանցից ոչ բոլորը հնարավորություն ունեն պայքարելու բարձրագույն խմբի միակ ուղեգրի համար, քանի որ, մրցակարգի համաձայն, դուստր թիմերն իրավունք չունեն հանդես գալու ուժեղագույնների խմբում։ Փաստորեն, բարձրագույն խմբի ուղեգրի համար մրցավեճի կբռնվեն հետեւյալ 9 թիմերը. «Վաղարշապատ» Էջմիածին, «Արարատ» Երեւան, «Լեռնային Արցախ» Երեւան, «Դինամո» Երեւան, «Լոկոմոտիվ» Երեւան, «Լոռի» Վանաձոր, «Նորք Մարաշ» Երեւան, «Գանձասար» Կապան, «Արաքս» Արարատ։ Առաջնության մասնակիցների թվում են նաեւ 7 դուստր թիմերՙ Երեւանի «Բանանց-2», «Բանանց-3», «Փյունիկ-2», «Փյունիկ-3», «Դինամո ՈԶ», Աշտարակի «Միկա-2» եւ Չարենցավանի «Զենիթ» ակումբները։ Առաջնությունն իր վերջնագիծը կհատի նոյեմբերի 6-ին։