ԵՐԵՎԱՆ, 24 ՄԱՅԻՍ, ԱՐՄԵՆՊՐԵՍ։ Մայրաքաղաքի Կենտրոն եւ Նորք-Մարաշ համայնքների առաջին ատյանի դատարանը, Մնացական Մարտիրոսյանի նախագահությամբ, մայիսի 31-ին կլսի «Նոր ժամանակներ» կուսակցության հայցն ընդդեմ «Ազգային միաբանություն» կուսակցության նախագահ Արտաշես Գեղամյանի եւ քարտուղար Ալեքսան Կարապետյանի։ Այս մասին Արմենպրեսի թղթակցին հայտնեցին մայրաքաղաքի Կենտրոն եւ Նորք-Մարաշ համայնքների առաջին ատյանի դատարանից։
Հիշեցնենք, որ «Նոր ժամանակներ» կուսակցությունը քաղաքացիական հայցով դատարան էր դիմել մայիսի 17-ին։