Ինչպես տեղեկացանք ՀՀ ոստիկանության հասարակայնության հետ կապերի եւ լրատվության վարչության օպերատիվ տեղեկագրից, մայիսի 24-ին, ժամը 8։30-ի սահմաններում իրենց տանը կախվելով ինքնասպանություն է գործել 1990 թ. ծնված, 6-րդ դասարանի աշակերտուհի Անուշ Ավակիմովան։ Նրան հաճախակի են տեսել ինչ-որ կրոնական գրականություն ընթերցելիս։ Անուշ Ավակիմովայի աղանդավոր լինելու հանգամանքները պարզվում են։ Հարուցված քրեական գործի նախաքննությունը վարում է դատախազությունը։
Պատշգամբը փլուզվեց
Ինչպես տեղեկացանք ԱԻՎ լրատվական կենտրոնի օպերատիվ տեղեկագրից, մայիսի 24-ին, 21։25-ի սահմաններում Շիրակի մարզի արտակարգ իրավիճակների վարչությունն ահազանգ է ստացել, որ Գյումրի քաղաքի Ղանդիլյան փողոցի 47 շենքի 6-րդ բնակարանի արեւմտյան կողմից պատշգամբի հատակը փլուզվել է (ի դեպ, շենքը 3-րդ կարգի վթարային է)։ Դեպքի վայր են մեկնել ԱԻՎ ՔԲ վարչության օպերատիվ եւ հրշեջ փրկարարական զորամասի խմբերը եւ տեղում կազմակերպել են բնակչության անվտանգության ապահովման անհրաժեշտ միջոցառումներ։ Զոհեր եւ վիրավորներ չկան։
Ավտովթար
Մայիսի 24-ին, 21։15-ի սահմաններում Անի-Գյումրի ավտոմայրուղու 130-րդ կմ-ի Բենիամին գյուղի մոտակայքում «Վազ-2102» մակնիշի ավտոմեքենայի վարորդ, Բենիամին գյուղի բնակիչ Յուրիկ Սարգսյանըՙ ծնված 1983 թ., անսթափ վիճակում կորցրել է ավտոմեքենայի ղեկավարումը եւ շրջվել, որի հետեւանքով տեղում մահացել է։
ՄԱՐԻԵՏԱ ՄԱԿԱՐՅԱՆ