ՌԱԿ մամլո կենտրոնական դիվանից տեղեկանում ենք, որ Լոս Անջելեսի Ս. Պետրոս եկեղեցու սրահումՙ մայիսի 16-ին, տեղի է ունեցել մեծարանքի հանդիսություն Թեքեյան մշակութային միության եւ Ռամկավար ազատական կուսակցության անդամ Բարսեղ Գարթալյանին Ամենայն հայոց հայրապետ Գարեգին Բ-ի կողմից Ս. Ներսես Շնորհալու շքանշանով պարգեւատրելու առիթով։ Լորա Գույումջյանի հանդիսությամբ գեղարվեստական կոկիկ հայտագրին զուգահեռ ելույթներ են ունեցել Հայաստանի գլխավոր հյուպատոս Գագիկ Կիրակոսյանը, Եղիա Տաշլյանը, Արա Ահարոնյանը, Վաչե Սեմերճյանը, Նահապետ Մելքոնյանը, Հակոբ Փիանտարյանը, Մարիա Միհրանյանը։
Մինչ այդ առավոտյանՙ եկեղեցում, առաջնորդ Հովնան արք. Տերտերյանը Բարսեղ Գարթալյանին հանձնել էր սրբատառ կոնդակը եւ շքանշանը։ Շնորհակալության խոսքով ելույթ է ունեցել մեծարվողը։ Երեւույթի առիթով ՌԱԿ կենտրոնական վարչությունը հղել է շնորհավորագիր։
Մ. Բ.