ԵՐԵՎԱՆ, 31 ՄԱՅԻՍ, ՆՈՅՅԱՆ ՏԱՊԱՆ։ Հունիսի 1-ինՙ Երեխաների պաշտպանության միջազգային օրը, Երեւանի քաղաքապետարանի նախաձեռնությամբ Ազատության հրապարակում տեղի կունենա կավճանկարի մրցույթ-փառատոն, որին կմասնակցեն հանրակրթական եւ գեղարվեստի դպրոցների 100 սաներ։
Ինչպես հայտնեցին քաղաքապետարանի մշակույթի, երիտասարդության հարցերի եւ սպորտի վարչությունից, «Խաղաղություն երկիր մոլորակին» կավճանկարի մրցույթի հաղթողների համար սահմանված են գլխավոր եւ խրախուսական մրցանակներ, իսկ բոլոր մյուս մասնակիցները կստանան նվերներ։ Մրցույթը կուղեկցվի համերգային ծրագրովՙ երգի ու պարի մանկական խմբերի մասնակցությամբ։
Նույն օրը երեկոյան մայրաքաղաքի մի շարք այլ վայրերում նույնպես կանցկացվեն տոնական միջոցառումներ, որոնց ավարտին կլինի հրավառություն։