«ԱԶԳ» ՕՐԱԹԵՐԹ

Հ Ա Յ Տ Ա Ր Ա Ր ՈՒ Թ Յ ՈՒ Ն

Հայաստանի Հանրապետության կենտրոնական բանկը հայտարարում է մրցույթ հուշադրամների դիզայնի ընտրության համար հետեւյալ թեմաներովՙ

* Արշիլ Գորկու ծննդյան 100-ամյակ (մեկ ոսկե թողարկում).

* Գանձասարի վանք (մեկ արծաթե թողարկում).

* Մարտիրոս Սարյանի ծննդյան 125-ամյակ (մեկ ոսկե թողարկում).

* Անանիա Շիրակացու ծննդյան 1400-ամյակ (մեկ արծաթե թողարկում):

Մրցույթին կարող են մասնակցել բոլոր ցանկացողները:

Հուշադրամների դիզայնի նկատմամբ հիմնական պահանջներն ենՙ

Տրամագիծը

* Ոսկե հուշադրամների համար - 22,0 մմ,

* Արծաթե հուշադրամների համար - 40,0 մմ:

Դիմերեսը

«Հայաստանի Հանրապետության կենտրոնական բանկ» գրառումը:

Թողարկման տարեթիվըՙ «2004», Արշիլ Գորկու ծննդյան 100-ամյակին ու Գանձասարի վանքին նվիրված հուշադրամների համար, եւ «2005ՙ Մարտիրոս Սարյանի ծննդյան 125-ամյակին ու Անանիա Շիրակացու ծննդյան 1400-ամյակին նվիրված հուշադրամների համար:

Անվանական արժեքըՙ «10000 դրամ» ոսկե հուշադրամների եւ «100 դրամ»ՙ արծաթե հուշադրամների համար:

Դարձերեսը

Գրառումները հայերեն եւ անգլերեն լեզուներով:

Մրցութային առաջարկությունները ներկայացվում են յուրաքանչյուր հուշադրամի երկու երեսների ուրվագծերի տեսքով, A4 չափսի թղթի վրա երկու տարբերակներով (երկու չափով)ՙ ոսկե հուշադրամների համար 22,0 մմ եւ 100,0 մմ տրամագծով, իսկ արծաթե հուշադրամների համար 40,0 մմ եւ 100,0 մմ: Նույն թղթի վրա նշվում է հեղինակի կոդըՙ տառերի կամ թվերի որեւէ կապակցություն, առանց նշելու անունը եւ ազգանունը: Հեղինակի անունը, ազգանունը, հասցեն, հեռախոսի համարը եւ կոդը նշվում են առանձին թղթի վրա, որը փակ ծրարով կցվում է հուշադրամի ուրվագծերին: Հուշադրամի ուրվագծերը եւ նշված փակ ծրարը ներկայացվում են Հայաստանի Հանրապետության կենտրոնական բանկ, մեկ ընդհանուր փակ ծրարով, որի վրա նշվում են Հայաստանի Հանրապետության կենտրոնական բանկի հասցեն, «Հուշադրամի դիզայնի ընտրության մրցութային հանձնաժողովին» եւ «Չբացել մինչեւ 2004 թ. հուլիսի 30-ը ժ. 1200 » գրառումները:

Մրցութային ընտրությունը կատարվում է յուրաքանչյուր հուշադրամի համար առանձին եւ հնարավոր է, որ լավագույն ճանաչված հուշադրամների ուրվագծերը կատարված լինեն տարբեր հեղինակների կողմից: Լավագույն ճանաչված յուրաքանչյուր հուշադրամի ուրվագծերի (դիմերես եւ դարձերես) համար սահմանվում է մրցանակային գումար 100.000 դրամ, ինչպես նաեւ նույն թողարկ-ման մեկ հուշադրամ:

Մրցութային առաջարկությունները ընդունվում են Հայաստանի Հանրապետության կենտրոնական բանկում, Վազգեն Սարգսյանի 6 հասցեով, մինչեւ 2004 թ. հուլիսի 30-ը, ժամը 1200:

Տեղեկությունների համար զանգահարել 56-16-55 հեռախոսահամարով:

ԿԲ մամուլի ծառայություն