ՍՏԵՓԱՆԱԿԵՐՏ, 1 ՀՈՒԼԻՍ, ԱՐՄԻՆՖՈ: Ադրբեջանի եւ Լեռնային Ղարաբաղի սահմանազատման գծի վրա ձերբակալվել է ադրբեջանցի զինծառայող:
Ինչպես Ստեփանակերտից հաղորդում է մեր սեփական թղթակիցը, այսօր ԼՂՀ զինծառայողների եւ անհայտ կորած անձանց պետական հանձնաժողովը հանդես է եկել հաղորդագրությամբ, որում մասնավորապես ասվում է, որ Լեռնային Ղարաբաղի Հանրապետության պետական սահմանի արեւելյան հատվածում նախօրեին ԼՂՀ պաշտպանության բանակի զինծառայողների կողմից սահմանազատման գիծն անցնելիս ձերբակալվել է ադրբեջանցի զինծառայող: Արձանագրված պատահարի մասին հանձնաժողովը միջազգային պարտավորությունների շրջանակներում տեղյակ է պահել Ստեփանակերտում հավատարմագրված Կարմիր խաչի միջազգային կոմիտեի եւ ԵԱՀԿ գրասենյակներին: Հանրապետության համապատասխան մարմինները իրականացնում են քննչական միջոցառումներ բացահայտելու ԼՂՀ սահմանը ադրբեջանցի զինծառայողի անցնելու հանգամանքները եւ պատճառները: