Ապրիլից սկսած Բուխարեստի Սուրբ Առաքելոցՙ Ռումինիայի տարածքում ամենաընդարձակ հայկական եկեղեցում է ծառայում հայր Խորեն (Արտավազդ) Զաքարյանը, որը ծնվել է Գյումրիում 1977 թ.: Երկրաշարժից հետո տեղափոխվել է Էջմիածին, որտեղ, ըստ «Արմինյն միրոր սփեքթեյթր» շաբաթաթերթի, սովորել եւ գերազանցությամբ է ավարտել Գեւորգյան աստվածաբանական ճեմարանը:
Ամենայն հայոց կաթողիկոս Գարեգին Բ-ի օրհնություններով եւ քաջալերությամբ ընդունվել է Երեւանի պետական կոնսերվատորիան, որտեղ այժմ 4-րդ կուրսի ուսանող է: 2003 թ. փետրվարի 27-ին ձեռնադրվել է քահանա Ղարաբաղի առաջնորդ Պարգեւ արք. Մարտիրոսյանի ձեռամբ: Նախքան Բուխարեստ մեկնելը ծառայել է Էջմիածնի Սուրբ Գայանե վանքում, դասավանդել է Վազգենյան ճեմարանում:
Հ. Ծ.