Հարավային Կովկասի ինտեգրումը Եվրոմիությանը հնարավոր է միայն ղարաբաղյան հակամարտության կարգավորումից հետո: Ըստ «Նովոստի» գործակալության, այս մասին երեկ Բաքվում հայտարարել է Եվրոմիության ընդլայնման հարցերով հանձնակատար Յանոշ Պոտոչնիկը, հաղորդում է «Նովոստի» գործակալությունը: Պոտոչնիկն ընդգծել է, որ ղարաբաղյան խնդրի կարգավորումից հետո Եվրոմիությունը պատրաստ է հակամարտության գոտում վերականգնողական աշխատանքներ կատարել: Պոտոչնիկն ասել է, որ հարավկովկասյան տարածաշրջանի գործընթացները Եվրոմիության ուշադրության կենտրոնում են: Եվրոպացի դիվանագետը Բաքվում հանդիպել է Ադրբեջանի ղեկավարության, այդ թվում նախագահ Իլհամ Ալիեւի հետ:
«Ընդլայնված Եվրոպա - նոր հարեւաններ» նախաձեռնությանը Հայաստանի, Ադրբեջանի եւ Վրաստանի անդամակցությունից հետո սա Եվրոհանձնաժողովի պաշտոնյայի առաջին այցն է տարածաշրջան: Այսօր սլովեն դիվանագետը հանդիպումներ կունենա Հայաստանի իշխանությունների հետ: