ՖԻՖԱ-ն հրապարակել է ազգային հավաքականների հերթական վարկանիշային ցուցակը: Օգոստոսի համեմատ ցուցակում փոփոխություններն աննշան են: Մասնավորապես, լավագույն տասնյակում տեղ գրաված հավաքականները պահպանել են իրենց դիրքերը: Հայաստանի հավաքականը մակեդոնացիներից կրած պարտությունից հետո ցուցակում եւս 3 հորիզոնականով նահանջել է եւ այժմ 401 վարկանիշով զբաղեցնում է 119-րդ տեղը: Աշխարհի առաջնության ընտրական մրցաշարում մեր առաջիկա մրցակիցըՙ Ֆինլանդիայի հավաքականը, 53-րդ տեղում է: Ֆինները նախորդ ամսվա համեմատ չորս հորիզոնականով նահանջել են: Մեր մյուս մասնակիցներից լավագույն տասնյակում են Չեխիան ու Հոլանդիան: Ռումինացիները զբաղեցնում են 32-րդ տեղը (առաջընթաց 3 տեղով), մակեդոնացիները 92-րդ տեղից տեղափոխվել են 88-րդ հորիզոնական, իսկ Անդորրայի ընտրանին 148-րդ տեղում էՙ վեր բարձրանալով մեկ հորիզոնականով:
ՖԻՖԱ-ի անդամ 205 երկրների հավաքականներից ամենամեծ առաջընթացն ունեցել են Գվատեմալայի (15 տեղ) եւ Հոնդուրասի (12) ընտրանիները: Ներկայացնում ենք լավագույն տասնյակի եւ նախկին ԽՍՀՄ հանրապետությունների հավաքականների ցուցանիշները:
| 1. Բրազիլիա | 848 |
| 2. Ֆրանսիա | 802 |
| 3. Իսպանիա | 788 |
| 4. Արգենտինա | 775 |
| 5. Չեխիա | 760 |
| 6. Հոլանդիա | 746 |
| 7. Անգլիա | 732 |
| 8. Մեքսիկա | 728 |
| 9. Իտալիա | 722 |
| 10. ԱՄՆ | 717 |
| 26. Ռուսաստան | 659 |
| 51. Ուզբեկստան | 566 |
| 60. Լատվիա | 552 |
| 77. Բելառուս | 520 |
| 81. Էստոնիա | 513 |
| 87. Ուկրաինա | 499 |
| 91. Թուրքմենստան | 486 |
| 104. Մոլդովա | 438 |
| 112. Վրաստան | 418 |
| 116. Ադրբեջան | 409 |
| 118. Լիտվա | 402 |
| 119. Հայաստան | 401 |
| 136. Տաջիկստան | 343 |
| 145. Ղազախստան | 304 |
| 155. Կիրգիզիա | 263 |
ԱՇՈՏ ՀԱՅՐԱՊԵՏՅԱՆ